Спиењето е од суштинско значење за добро физичко и ментално здравје. Тоа е исто толку важно како здрава исхрана или вежбање. Сепак, половина од возрасните не спијат доволно, а многумина се будат среде ноќ размислувајќи за своите грижи.
А еден од проблемите, велат експертите, е тоа што половина од возрасните немаат соодветна рутина пред спиење. Поради тоа лежат во кревет додека мислите се уште им одат „300 на час“, што не им дозволува да заспијат.
Можеби сме еден чекор поблиску до наоѓање живот на Марс, сугерира новото истражување
За да се спречи сето ова, експертот за спиење д-р Ниал Стенли вели дека е важно да одвоите 30 минути за да се подготвите за спиење.
„Не можете да најдете сон, треба да дозволите сонот да ве најде. Мора да ги ставите телото и мозокот во соодветна состојба за да може сонот лесно да ве најде. На тој начин ќе ги опуштите телото и умот.
Експертот Марк Кроплеј вели дека „30 минути пред спиење се доволни за да се опуштите и да размислите за спиењето“.
„Никогаш не ја потценувајте важноста на добрата рутина, без разлика дали е тоа спиење или некој друг аспект од животот, бидејќи тоа може значително да ги зголеми вашите шанси за успех.
Значи, што ви е потребно за да се опуштите пред спиење? Овие шест чекори!
30 минути пред спиење
Искористете го последниот половина час пред спиење за да ги завршите задачите што сте ги започнале во текот на денот. Испраќајте е-пошта, плаќајте сметки по електронски пат или направете список со задачи за следниот ден.
Истражувањата покажаа дека луѓето кои одвојуваат пет минути пред спиење за да напишат список со задачи за следниот ден, многу полесно заспиваат.
25 минути пред спиење
Време е да ги исклучите сите уреди кои емитуваат сина светлина. Под ова подразбираме лаптопи, iPad, таблети и мобилни телефони.
Научно е докажано дека сината светлина го спречува ослободувањето на мелатонин, хормон кој му дава на телото сигнал дека е време за спиење.
Доколку е невозможно да го исклучите мобилниот бидејќи алармот треба да ве разбуди, тогаш барем спуштете го екранот или ставете го во фиоката, за да не направи проблем синото светло.
20 минути пред спиење
Тогаш е идеално време да ги измиете забите и да ја отстраните шминката. Важно е да не се миете неколку минути пред спиење бидејќи тоа ќе ве разбуди.
15 минути пред спиење
Идеално време за брзо туширање. Топлата вода ќе ви помогне побрзо да заспиете бидејќи телото потоа малку се лади.
Експертите велат дека температурата на телото паѓа за десет степени непосредно пред спиење.
10 минути пред спиење
Оди во тоалет. Можеби ви звучи очигледно, но дури 42 отсто од луѓето не спијат добро бидејќи не одат во тоалет пред спиење, па се будат во текот на ноќта.
5 минути пред спиење
Целосно смирете се – затоа нема повеќе да разговарате со вашиот партнер.
За да спиете подобро, разберете дека креветот е исклучиво место за спиење – затоа, никогаш не носете лаптоп во кревет за да работите уште малку, или да јадете нешто брзо и слично.
(Mondo.rs)
