Косово забрани извоз на напредни технологии во Русија

Владата на Косово воведе дополнителни санкции против Русија.

Според информациите од Приштина санкциите ги зајакнуваат постоечките блокади кон Москва.

Со овој чекор Косово го блокира извозот на напредна технологија која треба да дојде до индустриските и воените капацитети на Русија, објави владата во Приштина.

Кои се напредните технологии со кои располага Косово а ги нема Русија засега не се објавува.

Дополнителните ограничувања вклучуваат санкции за течен природен гас и за 50 руски бродови.