Речиси сите сакаме кечап, го имаме дома и го јадеме од време на време. Сепак, дали некогаш сте се запрашале дали е потребно да ставите шише кечап во фрижидер после употреба или слободно можете да го оставите на полица?
Во продавниците за храна, ќе најдете шишиња кечап на полиците до лименки или тегли со кисела зеленчук – односно на обични полици, а не во фрижидер.
Меѓутоа, некако сите имаме навика отворено шише кечап, но и ново затворено, да ставаме во фрижидер – за да трае подолго содржината.
Дали е воопшто потребно? На крајот на краиштата, шишињата со кечап се на маса во рестораните – не во ладилник…
Кечапот содржи оцет, природен конзерванс кој ќе гарантира дека кечапот може да трае подолго. Кечапот може да се остави надвор од фрижидер одредено време без проблем. Ако после јадење го заборавите на масата, односно веднаш не го ставите во фрижидер, тогаш не е некој голем проблем.
Во рестораните кечапот се троши многу брзо, па шишињата се празнат пред кечапот да се расипе. Ова е причината зошто повеќето ресторани не ставаат шишиња со кечап во фрижидер. Во домовите, ситуацијата е малку поинаква.
Ако не јадете кечап секој ден, потребни се неколку недели или дури месеци за да го испразните шишето. Затоа кечапот треба да го чувате дома во фрижидер.
Таму може да остане и до шест месеци по првата употреба, пренесува Крстарица
