Иако многумина мислат дека спиењето со чорапи зависи од топлината или студот сепак тоа не е точно – според оваа навика може да откриете каков е вашиот карактер или карактерот на вашиот партнер.

Чорапите ви помагаат полесно да заспиете. На светот постојат два вида луѓе, оние кои носат чорапи додека спијат и оние кои спијат боси. Некои не можат да заспијат без чорапи на стапалата затоа што им е ладно додека пак другите не можат со нив бидејќи им е жешко.

Многумина се уверени дека се работи за навика, а всушност се работи за состојба на психата и нема никаква врска со топлината и студот во просторијата, тврдат психолозите и додаваат дека носењето на чорапите е поврзано со состојба на организмот.

Луѓето кои спијат со чорапи
Тие тоа го прават заради тоа што чувствуваат студ, иако во просторијата не е ладно. Тоа може да биде поврзано со различни физички аспекти како што се дебелината на кожата и бавен метаболизам. Но спиењето со чорапи е одраз и на психата.

Advertisement

Луѓето кои никако не можат да заспијат без чорапи обично имаат потреба да бидат заштитени, сакаат да престојуваат на убави места и секогаш настојуваат да воспостават длабоки и многу интимни односи со другите. По природа се нежни, најсреќни се во придружба на нечија прегратка и не им пречи делењето на нивниот личен простор со другите луѓе.

Луѓето кои спијат боси
Нив спиењето со чорапи им предизвикува непријатност и претопло им е за да можат да заспијат. Физички тоа може да укажува на брз метаболизам, добра циркулација и подебела кожа.

Гледајќи ја нивната психа, тие се многу независни и заштитнички настроени кон другите. Нивниот приватен простор многу им значи и ќе се дружат со другите луѓе само доколку и тие се расположени, а не секогаш. Многу се икрени и чесни. Ги привлекуваат предизвици, а за луѓето кои им значат ќе направат сè, само нив да им биде добро, пишуваат од „BrightSide“.

  • Предности на носење чорапи во кревет
  • Чорапите ви помагаат полесно да заспиете. Причината за тоа е што тие помагаат во регулирањето на температурата. Тоа го спречува и потењето во текот на ноќта;
  • Според традиционалната кинеска медицина, носењето чорапи привлекува позитивен проток на енергија. Ладните стапала можат да го исцрпат телото додека пак топлината од чорапите помага во циркулацијата на крвта и животната енергија;
  • Носењето чорапи според некои истражувања може да ги зголеми шансите за оргазам за 30 отсто.

Како да ви биде топло доколку не спиете со чорапи?

  • Носете папучи 1 час пред да легнете да спиете;
  • Ставете шише со топла вода или грејач на подножјето на креветот. Од сигурносни причини исклучете го грејачот кога ќе ви се приспие;
  • Ставете си дополнителни покривки или перници на подножјето на креветот.
Advertisement