Се испостави дека станува збор за отровна и многу смртоносна црна мамба долга повеќе од два метри.
Велат дека периодот околу Нова Година и Божиќ е време за чуда, но едно семејство од Јужноафриканската Република ниту очекувало ниту посакало вакво чудо. Едноставно биле скаменети од страв кога една од најопасните змии во светот ѕиркала од под нивната елка.
Се испостави дека станува збор за отровна и многу смртоносна црна мамба долга повеќе од два метри. Овие змии припаѓаат на семејството Elapidae и потекнуваат од субсахарска Африка. Нивниот залак ослободува невротоксин со брзо дејство кој може да го запре срцето на една личност во рок од 20 минути.
За среќа, ниту еден од членовите на семејството не се приближил до змијата поради човекот по име Ник Еванс. Тој бил повикан да ја извади змијата од нивниот дом, а по успешната операција на својот Фејсбук профил објавил фотографии од непоканетиот гостин.
Дедо Мраз ми остави ран божиќен подарок, иако не во мојата куќа, туку под туѓа елка во Квинсбург. Посакувам да ме чекаше на елката. Тоа би направило неколку кул фотографии! – напиша Еванс на Фејсбук со фотографиите.
Змијата била надвор кога градинарот ја вознемирил. Потоа од страв се оддалечила од него, ја видела отворената врата и се лизнала внатре. Оттаму се качи на елката и на малата полица над неа. Потоа, додека јас одев таму, таа се лизна по дрвото и се скри на дното, зад звучниците – се додава во објавата.
Потоа, Еванс опишал како ја зел мамбата со маша и ја пренел преку кабли и разни работи кои се заканувале да се урнат. Потоа ја ставил на подот и ја обезбедил за да не може да се извлече
Црната мамба е втората најдолга отровна змија по кралската кобра. Видот е и копнеен и арборален (живее во дрвја), населува савани, шуми, карпести падини, а во некои региони густа шума.
