Еден од параметрите во крвната слика е РБЦ, а еве што покажува.
Крвната слика ја покажува состојбата на организмот – работата на бубрезите, постоењето на воспалителни процеси, нивото на железо, витамини, минерали, шеќер. Се препорачува два пати годишно да се прави тест на крвта за да се утврди општата здравствена состојба.
Анализата на крвната слика го покажува бројот на клетки во крвта – еритроцити или црвени крвни зрнца, леукоцити, односно бели крвни зрнца и тромбоцити – крвни тромбоцити. Во рамките на резултатите се наоѓа и кратенката RBC која укажува на најбројниот тип на клетки во телото.
Односот помеѓу еритроцитите и хемоглобинот
Хемоглобинот, кој е означен со кратенката HGB, е една од најважните компоненти на црвените крвни зрнца. Хемоглобинот носи кислород од белите дробови до ткивата и јаглерод диоксид од ткивата назад до белите дробови. Кога дишеме, крвта во белите дробови добива кислород, а потоа хемоглобинот го носи до сите ткива и органи.
Односот помеѓу еритроцитите и хематокритот
Ако вредностите на хематокритот се намалени, тоа укажува на недостаток на црвени крвни зрнца или анемија поради недостаток на железо . Зголемените вредности укажуваат на ризик од формирање на тромб, што може да доведе до срцев или мозочен удар.
Кои се нормалните вредности за RBC?
Нормалните вредности на RBC се – 3,86 x 1012/l до 5,08 x 1012/l за жени и од 4,34 x 1012/l до 5,72 x 1012/l за мажи.
Покачените вредности можат да бидат предизвикани од состојби на хемоконцентрација на организмот, кај полицитемија, но и кај здрави луѓе.
Намалената вредност на бројот на еритроцити настанува како резултат на губење на голема количина крв, недоволно производство на еритроцити, зголемено разградување на еритроцитите, зголемено менструално крварење.
Главната функција на железото е да обезбеди правилно функционирање на хемоглобинот. Недостатокот на железо е познат како анемија, која е придружена со симптоми како ниско ниво на енергија, замор, слаба концентрација, вртоглавица и бледа кожа. Диетата е еден од начините да се подигне нивото на железо во организмот.
