По 20 години брак решила да го изневерува сопругот бидејќи како што вели повеќе не го поднесува осамениот живот, бидејќи претходните 10 години сопругот не ја ни допирал. Нашла помлад љубовник и признава дека нема грижа на совест.
– Мојот сопруг и јас немавме никаков облик на емотивна врска во последните 10 години. Јас имам 51, а тој 70 и имаме прекрасен живот – куќа, деца, домашни миленици, одмори во странство… Но, ние имаме малку заедничко, речиси и не зборуваме. Секоја вечер е исто, седиме и гледаме телевизија, а после тоа лежерно ме бакнува во чело и оди во неговата соба. Неодамна си реков: Имам 51 година и не можам повеќе да живеам вака. Неколку пати се обидов да разговарам со сопругот, но залудно. Му кажав кои се моите желби и потреби и дека вака не го замислувам нашиот брак. Му објаснив дека веќе не сме маж и жена туку цимери. Сепак, тој е толку емотивно затворен што ништо од тоа не го интересираше – изјавила анонимната Британка.
Таа признава дека минатата година решила да промени се. Нашла онлајн страница за состаноци за оженети луѓе, а по неколку неуспешни обиди запознала 46-годишен маж кој веднаш и се допаднал.
Го изневерила по 20 години брак
– Тајниот љубовен живот ми се чини како најдобра опција, бидејќи добивам емоционална наклонетост и физичко задоволство. Разговарав и со адвокат, но идејата за развод воопшто не ми се допаѓа. Искрено, не се чувствувам виновен што изневерувам. Дури и кога има сомнеж, само си велам: Ова ти треба! И тоа е доволно да ме смири. Иако мојата афера е многу возбудлива, речиси е невозможно да поминуваме повеќе време заедно иако би сакале – изјавува таа и додава дека и понатаму ѝ недостига физичка интимност.
– Кога сум нерасположена или болна, сакам некој да ме гушне и да се грижи за мене, а тоа не можам да го добијам ниту од љубовникот, ниту од сопругот. Иако имам двајца мажи во животот, ми недостига вистинска физичка врска, а тоа е крајно фрустрирачко – заклучила жената, пренесува Мирор.
