Подготовката на ајвар е напорен процес, особено ако се прави од печени пиперки, но постојат трикови што можат многу да ви ја олеснат оваа работа.
Кога станува збор за подготовка на ајвар, јасно е дека тоа бара многу време, но крајниот резултат секогаш вреди за секоја минута потрошена.
Сепак, домаќинките често прават една грешка која не само што го продолжува варењето со часови, туку може и да предизвика ајварот полесно да се расипе.
Станува збор за нешто што се прави додека се лупат печените пиперки.
По печењето, пиперките обично се ставаат во кеса за да се потпарат, а потоа, кога ќе се изладат, следи лупењето. Тогаш многу домаќинки ги ставаат пиперките во сад со вода, од каде ги вадат една по една и ја тргаат лушпата.
Токму тука настанува проблемот – пиперките впиваат вода и го губат оној прекрасен вкус што го добиваат при печење, особено ако се печени на смедеревка. Тоа подоцна резултира со воденест ајвар и потреба да се вари многу подолго за да се згусне.
За да го избегнете тоа, никогаш не ставајте ги пиперките во вода, туку лупете ги „на суво“. Рацете исчистете ги од лушпи со хартиена салфетка или само малку навлажнете ги со вода, но не ја мокрете самата пиперка.
Со овој начин пиперките ќе го задржат својот препознатлив, полн вкус – токму тој поради кој многумина најмногу го сакаат ајварот од печена пиперка.
Иако пиперките по лупењето се оставаат да се исцедат, вишокот вода што ќе остане во нив тешко испарува додека не се сварат долго време. Ако ајварот остане премногу течен, постои голема веројатност побрзо да се расипе.
Пробајте го овој трик – ќе видите дека ајварот ќе се свари многу побрзо, а вкусот… ќе биде вистинска симфонија што ќе ја обожавате.
