Цената на лебот во Хрватска скокна за околу 50 отсто во однос на лани.
Цените на се и сешто од ден на ден растат во сите земји, но граѓаните на Хрватска најмногу ги загрижува поскапувањето на храната.
Цената на лебот во Хрватска скокна за околу 50 отсто во однос на лани. РТЛ неодамна објави информација дека векна од 600 грама леб во една пекара Брач чини дури 19 куни – 2,52 евра.
По приказната се појавил револтиран читател кој платил 18 куни – 2,39 евра за 465 грама леб, исто така во пекара во Брач. Тој пресметал дека килограм од истиот леб ќе го чини 39 куни – 5,18 евра.
За споредба, во месарница во Долац, во Сплитско-далматинската жупанија, за таа цена може да се купи килограм свинско котлети или килограм свински ребра, се наведува во информацијата.
