Гастроентеролог открива што не треба да јадете во популарните летни одморалишта за да избегнете стомачни проблеми.
Тој истакнува дека ваквата ситуација може да се избегне доколку на патувањето понесете со себе пробиотик, а треба да внимавате и на спецификите на исхраната на одредени земји.
„Еден пробиотик два пати на ден значи многу кога патувате, па пресметајте колку ќе ви треба“, вели д-р Перишиќ.
ГРЦИЈА
Д-р Перишиќ посочува дека во Грција треба да се избегнува месо, бидејќи често се замрзнува неколку пати поради високите температури, поради што се контаминира со бактерии.
„Туристите во Грција најмногу јадат гиро, а неговиот квалитет е многу дискутабилен. Се состои од остатоци од месо кои се слабо термички обработени и се вртат на сонце по цел ден, што не е хигиенско. Затоа во Грција е многу подобро да се јаде сувлаки , раженчиња од чисто месо, кои се пржат на 600-700 степени, на температура на која бактериите изумираат“.
ЕГИПЕТ
Познат гастроентеролог вели дека во Египет никој не се ни обидува да пие вода од чешма, како и во другите делови на Африка и јужна Европа.
„Пијте само флаширана вода, бидејќи бактериолошки неправилната вода може да предизвика сериозни болести. Исто така, избегнувајте многу зачинета храна на која не сме навикнати“, вели Перишиќ.
ТУРЦИЈА
Докторот посочува дека туристите кои патуваат во Турција, каде особено се популарни оброците во шведска маса, треба особено да внимаваат да не се прејадуваат.
„Баклавата исто така треба да се избегнува, бидејќи се чува долго. Наместо тоа, јадете свежи колачи и овошни салати. Не пренатрупувајте ја чинијата, туку земајте пет помали оброци дневно“, вели д-р Перишиќ.
ЦРНА ГОРА
Морската храна подготвена на различни начини е еден од специјалитетите на црногорската кујна, но д-р Перишиќ вели дека треба да се избегнуваат.
„Тие, особено школките, се најголемиот извор на токсини и патогени бактерии кои можат да предизвикаат сериозно гадење. Само добро измиените школки се погодни за консумирање, но речиси и да нема гаранција дека готвачот, пред да направи јадење од нив, исчистил соодветно“, вели гастроентерологот.
