Најновото истражување откри кое парче во кујната содржи најмногу бактерии…
Две соби во куќата се општо познати како места за размножување бактерии – кујната и бањата. Кога станува збор за кујната, повеќето предмети може да се контаминираат со бактерии од храната. Сепак, според најновото истражување од септември 2022 година, научниците откриле кој предмет од кујната содржи најмногу бактерии. Не, тоа не е сунѓер! Тоа се тегли со зачини.
Студијата објавена во „Journal of Food Protection“ од американската Администрација за храна и лекови ги испитувала најголемите ризици од вкрстена контаминација во кујната за време на подготовката на оброците.
Пред тоа се веруваше дека сунѓерот за миење садови, машината за кафе, даската за сечкање, како и мијалникот се најголемите извори на инфекција. Но, резултатите покажаа малку поинаква ситуација.
Во истражувањето учествувале 371 лице чија задача била да подготват мисиркина плескавица користејќи зачини, колачи и малку претходно пакувана зелена салата. Конечно, додека повеќето површини биле позитивни на бактерии во 10 до 20 проценти од случаите, неверојатни 48 проценти од зачините во теглите користени за време на подготовката на хамбургерите биле позитивни на норовирус (вирусот што предизвикува т.н. стомачен грип. кој е многу заразен и лесно се пренесува). Исто така, истражувањето покажа дека даските за сечкање се на второ место како најзагадени површини, додека капаците на корпите за отпадоци се на трето место.
„Нашето истражување покажува дека секој контејнер со зачини што ќе го допрете додека подготвувате сирово месо може да биде вкрстено контаминиран“, рече водачот на студијата Доналд Шафнер, додавајќи дека миењето раце е неопходно после секоја употреба на сурово месо, живина и јајца. Исто така, треба да се дезинфицираат сите површини кои биле во контакт со месо.
Исто така, Управата за храна и лекови препорачува стратегија за ракување со храна во четири чекори:
- Чисти раце и површини
- Одделете ја сировата храна од друга храна
- Гответе на соодветна температура
- Ставете во фрижидер во рок од два часа по готвењето
