Многу луѓе ги нарекуваат смокви природни „слатки“ , бидејќи се исклучително богати со шеќер. Освен тоа, содржат и протеини, но и калциум, витамин К, калиум, железо и магнезиум.
Во сезоната, тие остануваат свежи само десет дена по берењето , но затоа се достапни во текот на целата година во сушена состојба. Поради шеќерот, нивната потрошувачка треба да биде ограничена, но другите состојки се корисни за целото тело.
Се препорачуваат на сите кои имаат проблеми со запек, бидејќи делуваат како природен лаксатив. Високата содржина на влакна ги прави идеални за здравјето на цревата. Лекарите ги советуваат како вид на пребиотик – храна за корисни бактерии во нашиот стомак.
Смокви треба да ги јаде секој што сака да ја зачува густината на коските. Како што старееме, промените во телото доведуваат до поголема апсорпција на калциум од нив, па затоа треба да јадеме храна која го има во изобилство.
Благодарение на значителната количина на калиум, сувите смокви се добра помош за регулација на крвниот притисок. Ова го штити телото од срцев и мозочен удар, како и од атеросклероза.
Со оглед на количината на витамин К во смоквите, пациентите кои земаат средства за разредување на крвта треба да се консултираат со својот лекар за да видат дали треба целосно да ги избегнуваат или барем можат да земат помала количина.
