Подгответе појадок секое утро по рецепт на нутриционистот и вашето тело ќе ви се заблагодари.
Кога бев помал, станував многу доцна, а откако почнав да работам станувам во последен час. Ова е главната причина зошто мојот прв оброк во денот е обично ручек, или во најдобар случај ужина, а притоа и слатка. Имено, поради прескокнувањето на појадокот, телото интензивно бара шеќер, па дури и да му одолеете, следниот оброк ќе биде претеран и калоричен.
Без разлика колку пати слушаме дека појадокот е најважниот оброк, секогаш ни недостасува инспирација да го подготвиме. И затоа што постојано брзаме на работа, и затоа што претпочитаме да го испиеме првото кафе веднаш по будењето, појадокот често се пропушта.
Ова не го брише фактот дека по спиење и одмор, телото бара енергија. Затоа, ако го изоставиме, осудени сме на недостаток на концентрација, нервоза и замор во текот на денот. Дополнително, појадокот влијае на слабеењето бидејќи подоцна нема да се прејадете, што исто така поволно влијае на метаболизмот.
Со оглед на тоа што решивме да воведеме здрави животни навики, се консултиравме со експерти. Нутриционистите го привлекуваат вниманието на фактот дека, покрај хранењето на организмот наутро, тој оброк мора да биде многу добро избалансиран.
Па, како брзо и лесно да подготвите нешто навистина вкусно и здраво? Следете го нивниот рецепт.
Потребни состојки:
– 1 јогурт – 1 јаболко (сецкано на коцки) – 1 лажица мед – 40-50 грама сечкани бадеми – половина лажица цимет – 30 капки прополис – 3 лажици овесна каша и суво или свежо овошје по избор
Подготовка:
Гответе ги јаболката во вода додека не омекнат, а потоа направете каша со блендирање во блендер.
Во исто време зовријте вода и во неа додадете овесна каша и постојано мешајте додека не добиете хомогена смеса (ќе ви треба околу една минута).
После тоа, измешајте јаболка и овес и додадете бадеми, цимет, прополис и мед. На крајот додајте ситно сечкано суво или свежо овошје и појадокот е готов.
П.С. Наместо бадеми, можете да додадете ореви или други јаткасти плодови.
И зошто овој појадок е толку добар?
Секоја состојка има своја важна цел во здравото функционирање на целиот организам. Имено, јаболката го апсорбираат холестеролот од храната и го подобруваат функционирањето на дебелото црево, а богати се и со цинк кој го зајакнува имунитетот. Благодарение на сувото/свежото овошје е добар извор на витамин Ц кој го зајакнува имунитетот. Медот е докажано дека има лековити и хранливи својства, а јогуртот содржи пробиотици кои влијаат на правилното функционирање на дигестивниот систем.
