БОЛИД СЕ ПРЕПОЛОВИ: Шумахер едвај извади жива глава!

Страшна несреќа во Монте Карло.

Трката на патеката Формула 1 во Монте Карло, која е седма во актуелниот шампионат, беше прекината поради тешката несреќа на германскиот пилот Мик Шумахер.

За среќа, Германецот успеа да се извлече од тотално искршената и преполовена формула.

Имено, инцидентот се случил во 27-от круг, по што трката била прекината и безбедносното возило излегло на патеката.

Возачот на тимот на Хас со голема брзина силно удри во заштитниот ѕид, а колку бил опасен сведочи и фактот што задниот дел од болидот се одвоил од остатокот од формулата.