Името Ернст Моро веројатно не значи ништо за пошироката јавност денес, бидејќи неговото име не се споменува во книгите и филмовите. Сепак, медицинската заедница го познава овој извонреден австриски педијатар, чии откритија спасија илјадници бебиња. Имено, неговата супа од морков била одличен лек!
Откритијата на овој педијатар роден во Словенија ја променија стапката на смртност кај новороденчињата во Европа. Bright Side се воодушеви кога првпат слушна за овој доктор и затоа реши да ја сподели неговата интересна приказна со своите читатели.
Ернст Моро е роден во 1874 година во Љубљана, Словенија. Студирал на Универзитетот во Грац, а подоцна станал професор по педијатрија на Универзитетот во Хајделберг. Во негово време, педијатријата во Европа не беше доволно развиена и смртноста на доенчињата беше многу висока, речиси 25%. Една од главните причини за смртта на илјадници бебиња во тоа време беше дијареата. Докторот Моро успеал да најде начин да ги спаси тие бебиња, а неговиот лек бил едноставен и генијален во исто време.
Моро предложи да им се даде на бебињата супа од моркови, која мајките и медицинскиот персонал ја зготвија според неговиот рецепт. Супата од морков се состои од само три состојки:
- 500 гр моркови
- вода
- сол
Пред да ја готвите супата, неопходно е да ги измиете и исчистите морковите. Потоа варете ги во вода додека не омекнат. Морковите испасирајте ги со пире и додајте вода, колку да направите околу литар супа. На крајот додадете малку сол.
Се покажа дека оваа едноставна супа ја спречува дијареата кај доенчињата, вклучувајќи ги и потешките форми.
Подоцнежните студии покажаа дека олигосахаридите во морковите ги спречуваат бактериите да се залепат на цревниот ѕид, што ја спречува дијареата. Со текот на времето, овој лек беше заменет со антибиотици и лекови против дијареја, но во тоа време значително помогна да се зголеми стапката на преживување на новороденчињата.
Статиите на нашиот портал служат ИСКЛУЧИВО ЗА ВАШЕ ИНФОРМИРАЊЕ, за било каков здравствен проблем ЗАДОЛЖИТЕЛНО ДА СЕ КОНСУЛТИРАТЕ СО ДОКТОР!
