Поткожните мозолчиња обично се појавуваат како црвени, болни испакнатини насекаде на кожата. Одозгора немаат гној, па затоа не се препорачува да ги цедите бидејќи само уште повеќе ќе ја иритирате кожата.
Тие обично се придружени со силно црвенило на кожата. Можат да се појават насекаде на лицето (на образите, почесто на носот, поретко околу очите и на вратот) и на главата (скалпот).
Мозолчињата на грбот се посебен проблем бидејќи стануваат потешки за лекување. Малку невообичаени места за појава на поткожни мозолчиња се кожата на рацете и, на пример, на дојката.Кога се работи за градите, избегнувајте да ги стискате мозолчињата, бидејќи кожата на дојката е особено чувствителна.Користете благ третман или подготовка.
Избегнувајте ја појавата на поткожни мозолчиња со редовно одржување на хигиената на кожата, особено ако е од мрсен тип. Користете средства за чистење и миење на кожата кои се дизајнирани за вашиот тип кожа. Превентивните мерки вклучуваат миење на лицето неколку пати на ден, урамнотежена квалитетна храна, физичка активност, како и избегнување на стрес и нервоза и доволно сон.
ЗОШТО СЕ ПОЈАВУВААТ
Причините за поткожните мозолчиња можат да бидат различни – повеќе или помалку тешки, полесни или потешки за решавање. Ова се некои од најчестите:
- хормонални промени
- генетско наследство
- лоша хигиена
- слаб имунолошки систем
- стрес
- лоша исхрана
- прекумерно потење
- микроорганизми
Како што можете да видите, многу од овие фактори се од внатрешна природа и тоа може да значи само дека поткожните мозолчиња се знак за некаков дисбаланс или промена во телото. Сето ова предизвикува зголемено производство на себум под кожата и, како резултат на тоа, формирање на гној. Вака создаденото воспаление ги притиска околните нервни завршетоци под кожата и тоа создава болка и оток, со или без црвенило.
Како да се ослободите од нив?
Ако ви се појават мозолчиња под кожата, првото нешто што можете да направите е да нанесете пакет со мраз. Завиткајте го мразот во кеса, а потоа во крпа и нежно притиснете го мозолчето околу 10 минути.
По третманот со мраз, ставете малку антисептик на кожата, аптеката ќе ви препорача оние на база на алое вера. Наместо антисептик, на мозолчето можете да ставите малку мед, кој има лековити својства кога ќе навлезе длабоко во кожата.
Добро познат природен лек е јаболковиот оцет, кој можете да го разредите со вода. Во овој раствор натопете парче памучна вата и користете го за чистење на кожата околу мозолчето неколку пати на ден.
Природно отстранување на мозолчиња
Како да ги отстраните по природен пат? Пробајте го следниот домашен третман – секое утро и навечер измијте се со сок од лимон кој сте го раствориле во млака вода. Лимонот помага да се отстранат токсините од порите и штетните материи насобрани под кожата, кои се честа причина за поткожни мозолчиња.
Аспиринот, кој сигурно го имате дома, може многу да ви помогне. Земете 2-3 таблети аспирин, издробете ги и додадете малку вода и една лажичка мед. Оваа смеса втријте ја на проблематичната кожа и оставете ја да отстои некое време. Работи и како пилинг. На крајот, измијте го лицето и нанесете хидратантна крема.
Портокал и лимон – кората од портокал изрендајте ја и измешајте ја со малку вода. Нанесете на лицето како маска и оставете да делува околу 10 минути. Кожата можете да ја истриете со кришки лимон или да измешате сок од лимон со малку розова вода и да го користите за да направите лапа за делови од кожата кои се проблематични.
Краставица – една краставица добро изблендирајте ја во блендер. Ќе добиете кашеста маса која треба да ја ставите на кожата и да ја оставите да делува околу половина час. Исплакнете со млака вода.
Домат – Исцедете го сокот од еден домат, нанесете го на кожата и оставете да делува 15 минути. Исплакнете ја кожата со млака вода.
Мед и цимет – Оваа комбинација е многу ефикасна во борбата против мозолчињата. Измешајте три лажици мед со една лажичка цимет во прав. Ставете го овој домашен препарат на секое мозолче поединечно и спијте така. Повторувајте ја оваа постапка секоја вечер пред спиење, а резултатите очекувајте ги по недела или две.
Алое Вера – Сокот од алое вера е достапен во аптеките и може да се нанесува на кожата два пати на ден. Исто така, ќе помогне да исчезнат лузните од претходните поткожни мозолчиња. Алое Вера има карактеристичен мирис, па затоа е добро третманите да ги правите на пример додека сте на одмор.
