Мсвати III е крал на Есватини (поранешен Свазиленд), една од последните преостанати апсолутни монархии во светот. Тој го водеше кралството повеќе од три децении, за време на кои стана познат по неговиот традиционалистички пристап, луксузниот начин на живот во една од најсиромашните земји во светот и сложениот политички систем на Есватини. Денес тој е последниот апсолутист во Африка. Тој е строго против каква било форма на демократија во неговата земја и ја забрани слободата на говорот.
Роден е на 19 април 1968 година, како втор од 67-те синови на кралот Собхуза II и единственото дете на Нтомби Твала, една од сопругите на кралот. Роден е само пет месеци пред Свазиленд да добие независност од Велика Британија. Неговото име Макосетве значи крал на нацијата.
Тој тргна по стапките на својот татко, кралот Собхуза II имаше над 200 деца со повеќе од 70 сопруги, додека бројот на внуци одамна го помина прагот. И денес, Мсвати III е владетел со најголем број сопруги.
Се школувал во Англија, каде го посетувал училиштето Шерборн. Откако неговиот татко починал од пневмонија во 1982 година, по 82 години владеење, принцот имал само 14 години. Тогаш било одлучено Макосетве, како омилено дете на неговиот татко, да биде следниот крал кога ќе полнолети. Тој беше крунисан на 25 април 1986 година. Следеа шест години регентство, а потоа на 25 април 1986 година ја доби титулата крал Мсвати III.
Како крал на Есватини, тој има огромна политичка моќ, имајќи предвид дека се работи за апсолутна монархија. Тој го назначува премиерот, министрите, судиите и ги контролира клучните аспекти на владеењето на земјата. Иако тој усвои нов устав во 2005 година, кој формално дозволи одредени права како слободата на говорот и политичките партии, во реалноста, политичките партии сè уште се практично забранети и кралот ја задржува поголемиот дел од власта.
Неговото владеење често се соочува со критики за репресијата на политичките неистомисленици и опозицијата. Повремено избувнуваат протести за демократија и поголеми работнички права, но кралот и неговата влада редовно ги задушуваат тие движења, користејќи војска и полиција за да ги контролираат.
Една од главните причини зошто Мсвати III често е во центарот на вниманието е неговиот луксузен начин на живот. Тој е познат по тоа што поседува голем број луксузни автомобили, приватни авиони и раскошни палати, додека поголемиот дел од населението на Есватини живее во сиромаштија, преживувајќи со едвај два долари на ден.
Тој е познат и по тоа што има многу жени – според традицијата на Есватини, на кралот му е дозволено да има повеќе жени, а Мсвати досега се оженил со најмалку 15 жени, со кои има повеќе од 30 деца.
Неговиот начин на живот предизвика критики не само за раскошното живеење во земја со висока стапка на сиромаштија, туку и за обвинувањата за кршење на човековите права. Покрај тоа, Есватини се соочува со висока стапка на ХИВ/СИДА, а здравствените и образовните системи во земјата често страдаат од недостаток на ресурси.
Еден од значајните моменти за време на владеењето на Мсвати III беше кога во 2018 година, по повод прославата на 50 години независност од британската колонијална власт, тој најави промена на името на државата од Свазиленд во Есватини. Оваа одлука беше дел од неговите напори да го врати културниот идентитет на земјата и да и го врати предколонијалното име. „Есватини“ на свазиски јазик значи „Земја на Свазиленд“, што е симболичен потег за зајакнување на националниот идентитет.
Неверојатен љубовен живот
Мсвати (56) има дури 15 сопруги, што го прави владетел со најмногу жени во светот. Врховниот поглавар на семејството Свази, кој моментално има 36 деца, се жени само со девици.
Еднаш годишно се организира танцот Умхланга каде околу 20.000 млади девици, голи до нозете, танцуваат пред кралот и традиционално кралот избира нова жена на овој собир.
– Кралот го обожава фестивалот „Умхланга“. Тогаш илјадници убави девици танцуваат само за него. Неговата задача е да ја избере најубавата од нив. За да може официјално да се омажи за избраната, девојката мора да забремени . Само со тој чин таа докажа дека е способна да биде придружничка на кралот. После тоа доаѓа свадбата – објасни еднаш кралскиот портпарол Сабело Дламини.
Мсвати III објави закон со кој се забранува секс за сите немажени жени со цел да се спречи ширењето на СИДА. Тој исто така прогласи забрана за сексуални односи за сите помлади од 18 години. Оваа забрана заврши во 2005 година кога се ожени со седумнаесетгодишно девојче, кое стана негова тринаесетта сопруга.
Традиционалната култура на Свазиленд наложува кралот да се ожени со една девојка од секое племе за да ги зајакне врските со сите делови на земјата.
Според приказните од кралскиот двор, сите сопруги на кралот живеат во хармонија во неколку кралски дворци.
