Испуканите пети се чест проблем, особено кога кожата ја губи природната влажност и станува сува и задебелена.

Решението за помека и негувана кожа можеби веќе го имате во кујната. Станува збор за јаболков оцет, состојка која често се користи во домашната нега на стапалата.

Испуканите пети се чест проблем, особено кога кожата ја губи природната влажност и станува сува и задебелена. Наместо скапи препарати, многумина се одлучуваат за едноставни домашни трикови кои можат да помогнат во негата на стапалата.

Една од состојките што се користат во домашните рецепти за нега на кожата е токму јаболковиот оцет. Неговата примена често се споменува како начин за омекнување на грубата кожа на петите.

Сепак, потребна е претпазливост бидејќи киселината од оцетот може дополнително да ја иритира оштетената или испуканата кожа. Затоа, не се препорачува нанесување врз отворени ранички.

За нега на сувите пети многу поважно е редовното враќање на влажноста на кожата. По капењето, додека кожата е сè уште малку влажна, нанесете богата крема наменета за стапалата.

Препаратите со уреа или други состојки што ја задржуваат влагата можат да помогнат задебелената кожа постепено да омекне.

Со секојдневна хидратација и нежно отстранување на вишокот сува кожа, петите можат да станат значително помеки и понегувани.

Најважно е да бидете упорни и редовно да им посветувате внимание на стапалата, наместо да се обидувате грубата кожа да ја отстраните на сила.