По брз преглед, на ногата и пронашле три пијавици
Млада жена од Австралија поминала низ пекол на свадба кога открила дека ја нападнале група пијавици.
Новомажената Медлин Вајс (24) била во бела венчаница и го играла првиот танц со својот сопруг Џејден, кога нејзината свекрва забележала дека крвта тече по нејзините нозе под чипканиот фустан.
По брзиот преглед на телото на засрамената невеста, жените откриле дека крвопијци се залепиле за нејзината нога.
– Имаше три пијавици. Имаше толку многу крв и се чинеше дека крварењето не престана – изјави Вајс на својот TikTok, заедно со неодамна објавеното видео од немилиот настан што се случи во април минатата година.
Нејзиното крваво видео беше објавено во четвртокот и веќе има повеќе од 13 милиони прегледи.
-Едниот ми беше под стапалото, еден под коленото, а друг ми лазеше по ногата. Оној зад моето колено беше навистина дебел. И таа беше таму околу три часа – додала ужасната невеста.
Вајс објасни дека се омажила на Голд Коуст во внатрешноста на Австралија, каде што врнеше силен дожд со недели пред нивната венчавка. По венчавката, младенците се сликале на поле со висока трева и кал. Невестата не знаела дека освен сентиментални фотографии и убави спомени, од таму зела уште нешто.
– Мислам дека овде се појавија пијавици – рекла Вајс и додала дека најголемата од нив целата свадба ја поминала на ногата.
Невестата понатаму тврдела дека кога дознала дека ѝ тече крв низ фустанот, претпоставила дека тоа се должи на раната менструација. Но, кога свекрвата ја известила дека се пијавици, таа сепак се насмеала. Кикотењето на малку пијаната невеста стивнало кога видела колку крв тече од ногата.
– Таа пијавица беше толку дебела. Кога толку ќе се здебелат, тоа значи дека буквално се наполниле. Таа пијавица го исполнила својот капацитет, се наполнила и паднала – објаснила зошто токму во тој момент забележала.
Потоа додала дека не го почувствувала каснувањето бидејќи овие паразити имаат анестетик во плунката.
Сепак, научниците се уште не пронашле такви соединенија кај ниту еден од овие членконоги, но утврдено е дека тие вбризгуваат антикоагуланси во домаќинот за полесно да се хранат со разредена крв, пишува New York Post. Тоа е и причината зошто Медлин искрвари толку обилно кога пијавицата откачи.
Интересно е тоа што младата жена била единствената што зела пијавици, т.е. дека никој од гостите на свадбата не пријавил дека ги нашол кај нив.
Според Медлин, младоженецот бил повикан брзо да дојде во соблекувалната, каде што ја однеле да и пружи прва помош.
– Тој беше со мене цело време кога се случуваше ова и навистина ме поддржуваше. Но, никогаш нема да заборавам кога првпат влезе и ме виде – рекла Меделин и признала дека била шокирана од целото искуство.
@madalyn.wise There’s always something that doesn’t go quite right at your wedding, right? 😂🤦🏻♀️ #leech #weddingtiktok #wedding #weddingnightmare #foryoupage #fyp #ohno
