Погледнете какви промени во сексуалниот живот доаѓаат во четириесеттите.
Кога ќе влеземе во четириесеттите, хормоналните промени се неизбежни.
Со промените во телото и расположението се менува и сексуалниот живот.
Кога ќе влеземе во четириесеттите, хормоните полека почнуваат да се менуваат. И ова може да доведе до тоа жените да имаат помала желба за секс. Исто така, може да се случи на жените да им треба повеќе време за да бидат подготвени за секс, и да страдаат од сувост на вагината.
Овој притисок може да се намали со помош на лубрикант. Исто така, разговорот со вашиот партнер ни помага повторно да почнеме да уживаме во сексот.Многу е потешко да забремените
Колку е постара жената, толку повеќе се намалува квалитетот и квантитетот на јајце клетките, што го отежнува забременувањето.
Почесто доживувате оргазам
Мит е дека зрелите жени не можат да доживеат оргазам. Имено, со годините жената има повеќе искуство и самодоверба. Таа е поотворена и повеќе ужива во сексуалниот чин. Токму тоа се причините поради кои жените во четириесеттите години доживуваат оргазам многу полесно од порано.
Мажот може подолго да го одложи оргазмот
Како и кај жените, така и кај мажите, нивото на хормоните се менува со возраста.
Ова води до фактот дека тој може подолго да го одложува оргазмот, а поинтензивно да ужива во сексот. На овој начин ќе има повеќе време за својата партнерка, а со тоа и веројатноста за заеднички оргазам е поголема, пишува Стил .
Ќе најдете нови начини да се забавувате во кревет
Доколку не ви оди како порано во кревет, тоа е можност да внесете некоја новина во вашиот секс. Пробувајќи нови работи, ќе имате повозбудливи нови искуства.
