Компанијата „Тамаро“ изненади тројца вработени со најдолг работен стаж со ПОДАРОК автомобили и паричен ваучер.
Се работи за охридска компанија, основана во далечната 1997 година, водечки локален ланец на маркети, која на двајца свои вработени им подари по еден автомобил, а на третата ваучер од 7000 евра.
Како што објави компанијата на нивната страница на Фејсбук, автомобили добиле Билјана Стевановиќ, Билјана Лолеска и Горан Манев, а менаџментот појасни и зошто токму тие заслужиле да бидат вака позитино изненадени.
„Билјана Стевановиќ е дел од Тамаро фамилијата – 22 години. Таа започна со работа во 2003 година, на позиција агент за продажба, за подоцна да биде унапредена во материјален книговодител. Следната позиција беше прв менаџер на Тамаро 7 хипермаркетот, каде подоцна ја замени Благица Ситникоска. Во моментов, Билјана е главен менаџер за продажба во Тамаро. Умешноста и вештините на Билјана се одразија на успехот и на Тамаро. Секогаш навремена, прецизна и преку нејзините обуки многу луѓе станале успешни и вредни работници.
Компанијата Тамаро и доделува автомобил како ПОДАРОК!
Билјана Лолеска во Тамаро е цели 23 години. Таа започна со работа во 2002 година, на позиција агент за продажба, а во моментов е главен менаџер на АМ магацинот во склоп на Тамаро. Лидерските способности, колегијалноста, истрајноста, лојалноста се само дел од нејзините вештини со кои многу луѓе ги обучила да станат вредни и одлични работници.
Компанијата Тамаро и доделува ваучер од 7000 евра.
Горан Манев започна во 2003 година. Веќе е дел од тимот 22 години!
Тој започна на работна позиција магационер, додека неговиот успех во работата го донесе да биде главен магационер на замрзната роба во комори. Сега работи како контролор на прием на роба во АМ магацинот, како и ускладиштување на робата.
Горан секогаш бил достапен и лојален кон компанијата. Личност која во секое време излегла во пресрет за доброто на Тамаро. Неговата љубов кон Тамаро и посветеност кон работата заслужено го донесе до ПОДАРОК автомобил’, појаснија од компанијата и им честитаа.
„Честитки за вработените од менаџментот на Тамаро и им посакуваме на сите останати вработени многу успех во работата и долги години стаж“, напишаа од Тамаро.
