Кои пасти за заби се најдобри? Одговор на ова прашање даде познатиот стоматолог од главниот град на Велика Британија, д-р Калед Касем.
Познатиот британски стоматолог д-р Калед Касем откри на што е најважно да се внимава при купувањето паста за заби. Онаа што се смета за квалитетна и која никогаш нема да ја оштети глеѓта на забите туку ќе ги заштити, мора да содржи клучна состојка, а тоа е флуор.
Денес постојат многу производи за хигиена на забите – од пасти за перење, до вода за плакнење, четки со меки, средни и тврди влакна (направени од природни и вештачки влакна), конец, па дури и средства за белење, па затоа не е чудно што е тешко е да се избере најдоброто од толку многу понуди.
Има и некои народни „лекови“, но сепак треба да бидете внимателни со нив бидејќи тие обично предизвикуваат повеќе штета отколку корист.
Но, ако не сте сигурни кој тип на паста за заби е најдобар, експерт има конкретен одговор. Излегува дека не е важно каква марка или вкус ќе купите, се додека содржи една клучна состојка – флуор.
„Секогаш треба да користите паста за заби со флуор, тоа е навистина клучно“, му рекол тој на д-р Калед, додавајќи дека оптималната концентрација на оваа состојка зависи од возрасната група.
„За децата, важно е да се користи паста за заби со ниска концентрација на флуор“, откри тој.
Националниот здравствен систем изјави дека пастата за заби која содржи 1.350 до 1.500 ppm флуор е најефикасна. Меѓутоа, ако сте особено изложени на ризик од расипување на забите, вашиот стоматолог може да ве советува да добиете паста за заби со поголема „јачина“.
За деца на возраст под три години, се препорачува да се користи само мала количина паста што содржи најмалку 1.000 ppm флуор, додека на децата меѓу три и шест години им се советува да користат „количина со големина на грашок“ што содржи повеќе од 1.000 ppm флуор.
