Група млади мажи во црно станаа предмет на потсмев во Велика Британија.
Видеото од грабеж во продавница за електроника во Бирмингем, Англија стана вирално на социјалните мрежи поради неверојатната неспособност на крадецот.
На неа се гледа како група од шест млади мажи во црно влегуваат во продавницата во сабота во 15:15 часот. Веднаш почнале да ја кршат полицата во која биле заклучени најновите модели на iPhone кои чинат повеќе од 1.000 евра.
Сепак, клиентите останаа запрепастени од нивните диви, но неуспешни обиди да ја скршат витрината, а некои од нив дури почнаа да им се смеат.
Оваа група крадци е прогласена за најглупава во државата, а како што пишува Дејли Мејл, поспособните разбојници ги откинуваат ваквите витрини од нивните штандови и ги одземаат цели, а дури подоцна ги отвораат.
Бидејќи очигледно не биле особено способни разбојници, на крајот само побегнале земајќи еден телефон и потрагата по нив е во тек.
