Снимката од дрон сними голема ајкула како плива опасно блиску до неколку доверливи посетители на плажа во Дејтона, Флорида.
На видеото, снимено од Блејк Рас, се гледа како ајкулата ја истражува водата во близина на брегот. Пливачите забележале дрон како лебди над нив, но не виделе ајкула како плива недалеку од нив.
Рас рекол дека бил на плажа со семејството и случајно решил да го испрати дронот на небото.
– По неколку минути снимив ајкула како плива во близина на луѓе. Таа пливаше кон најмалку десетина различни групи луѓе, а потоа наеднаш го смени правецот и ги заобиколи – рекол тој.
Според него, луѓето не ни забележале дека ајкулата е таму.
– Често гледаа во дронот и маваа, не знаејќи дека веднаш до нив плива ајкула. Мој совет е ако пливаш во океан и видиш дрон во близина, погледни околу себе, а не во него, бидејќи не си толку посебен. Дронот веројатно снима нешто друго – рече тој.
Засега нема информации дека во оваа прилика имало напад на ајкула.
HE'S BEHIND YOU: Drone footage captures a large shark swimming close to several blissfully unaware beachgoers in Florida. https://t.co/H26TVomw98 pic.twitter.com/M9blvabwUw
— ABC News (@ABC) August 10, 2022
