По неколку пеколни денови, според метеоролозите, вечерва конечно ќе пристигне освежување во Македонија.
Времето претпладне сончево и многу топло со мала до умерена локална облачност. Попладне и кон крајот на денот ќе биде нестабилно, на повеќе места со пороен дожд, грмежи и засилен ветер.
Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град. Минималната температура ќе биде во интервал од 12 до 21, а максималната ќе достигне од 33 до 39 степени. УВ=9
Во Скопје сончево со мала облачност, доцна попладне и во вечерните часови нестабилно со локален пороен дожд, грмежи и засилен ветер. Минималната температура ќе се спушти до 18, а максималната ќе достигне 37 степени.
Во четврток уште од пладне на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град. Потоа во следните денови ќе преовладува сончево време, но во попладневните часови со изолирана појава на нестабилна облачност, пороен дожд и грмежи.
– Во Македонија вечерва во северните делови на земјата, а во текот на ноќта и утре во западните и југозападните предели можни се краткотрајни временски појави со пороен дожд со грмежи, град и силен бурен ветер – стои во предупредувањето објавено кратко. после 18 часот.
Невремето веќе пристигна во Хрватска
Во Карловачката жупанија денеска дува силен ветер кој предизвика оштетувања на електричната мрежа и патиштата, а оштетени се покриви и прозорци на 60 куќи.
Во некои делови од округот ветерот дуваше со брзина од 16,5 метри во секунда, што спаѓа во категоријата „силен ветер“, изјави во интервју за ХИНУ, шефицата на округот Мартина Фурдек-Хајдин, додавајќи дека на многу места дрвјата биле свиткани, а одењето било тешко.
– Сите служби за цивилна заштита се на терен, се отстрануваат дрвја од улиците и електрични кабли и се утврдуваат штетите бидејќи ветерот ги однел ќерамидите од покривите на куќите – изјави Фурдек-Хајдин, пренесува Index.hr.
