Овој пијалок важел и за друштвен еликсир и за лек по богата трпеза.
Горкиот и ароматичен вкус на Стомаклија останал длабоко врежан во сеќавањата на генерациите кои пораснале во Југославија.
Тој пијалок бил симбол на дружење, традиција и народен лек, па затоа не е чудо што и денес многумина го паметат, иако веќе не е популарен.
Дванаесет лековити билки
Стомаклија била посебен вид ракија со 35% до 45% алкохол, збогатена со мешавина од дванаесет лековити билки. Во неа обично се наоѓале пелин, нане, камилица, жалфија, анасон и други тревки што создавале специфичен, горчлив и ароматичен вкус.
Во времето на Југославија, Стомаклија можела да се најде речиси насекаде: во кафани, на празнични трпези, па и во домашни барски витрини за посебни прилики. Имајќи предвид колку била распространета, изненадувачки е што со текот на времето исчезнала од полиците.
Причините биле бројни – новите трендови донеле поинакви вкусови, луѓето повеќе се одлучувале за послатки ликери и вотки со ароми.
Нејзиното производство било комплицирано, суровините сезонски, а регулативата строга, па финансиски повеќе не се исплатело. Така, во 2012 година целосно исчезнала од пазарот, а компанијата што ја произведувала дошла на работ на банкрот.
На интернет не може да се најдат сигурни информации дали компанијата успеала да се извлече или добила нов сопственик. Сепак, нивната официјална страница повторно е активирана во 2023 година.
И покрај тоа, многумина се скептични дали станува збор за вистинскиот, оригинален рецепт – веруваат дека единствената вистинска Стомаклија е онаа дедова шише од осумдесеттите години на минатиот век, што сè уште се чува во витрина како драгоцена успомена.
