За да не го расипете целото зимско складирање, треба многу да внимавате на хигиената и правилата за стерилизирање на тегли и шишиња.
Додека ја подготвувате зимската храна, задолжителен чекор е да го стерилизирате стаклениот сад во кој ќе полите ајвар, џем и други намази или кисели краставички. Овој чекор не смеете да го прескокнете, бидејќи доколку шишињата или теглите не се 100 проценти чисти, целиот труд може да отиде на отпад. Нашите баби одамна смислија одличен начин за стерилизирање на амбалажата, а најдобро од сè, тоа не бара многу труд, време или вештина.
1. Прво отстранете ги сите етикети од теглите кои не се нови.
2. Добро измијте ги стаклените тегли и шишиња со детергент за садови и темелно исплакнете со вода.
3. Оставете ги кратко да се исцедат, а потоа нежно избришете ги со чиста, памучна кујнска крпа без влакненца (одлична е и хартиена крпа).
4. Последниот чекор е да се загрее рерната на максимум 100 степени, да се наредат теглите или шишињата во плехот така што отворот им е свртен надолу и да се стават да се загреат околу 20 минути.
5. Внимателно извадете ги од рерна (внимавајте, чашата ќе биде топла) и почнете да ги филувате додека се уште топли.
Некои домаќинки сакаат да бидат сосема безбедни, па теглите прво ги ставаат во зовриена вода да се „зоврие“ на кратко, па дури потоа ги ставаат во рерна. На овој начин можете да избегнете бришење со крпа – топлината на рерната ќе ја исуши преостанатата вода.
Совет плус
Современите домаќинки користат машина за миење садови за стерилизирање на садовите. Некои машини имаат опција за стерилизација, а ако немаат, тогаш дефинитивно ставете ги теглите на програма која ги мие садовите на температура од 70 Целзиусови степени.
Откако ќе ги измиете теглите во машината, можете безбедно да го истурите зимувачот во нив. Друг начин на стерилизација е ставање на теглите во микробранова печка. Сè што треба да направите е да ги ставите во микробранова печка и да ја поставите моќноста на 1.000 вати за циклус од околу 30-45 секунди. Сепак, се препорачува да го направите ова во рерната.
