Пред да засадите растенија и цвеќиња, важно е да се осигурате дека почвата за растенијата ја има вистинската количина на хранливи материи, а наместо да користите ѓубриво од продавницата, можете сами да направите природно ѓубриво, кое ќе му обезбеди на вашето растение сè што и треба.
Ако сте нови во градинарството, можеби не знаете колку јајцата се корисни за растенијата. Тие содржат калциум, како и траги од други елементи, вклучувајќи магнезиум и фосфор и затоа се одлични за додавање хранливи материи во почвата.
Се што треба да направите е да ставите малку земја во саксијата и да ставите едно јајце врз него. Посипете уште малку земја одозгора и ќе го закопате семето на растението по ваш избор исто како што обично би правеле. По некое време јајцето ќе почне да се распаѓа и ќе делува како природно ѓубриво.
Но, ако не сакате да го користите целото јајце, не мора! Наместо целото јајце, можете да ги користите и лушпите, кои исто така се богати со калциум, кислород и фосфорна киселина – сите есенцијални материи кои го поттикнуваат растот на растенијата. За само ден-два ќе ги видите првите ефекти и вашето растение ќе изгледа поубаво и поздраво, а веќе нема да помислувате да купувате скапи вештачки ѓубрива.
Следниот пат кога ќе направите омлети или палачинки – наместо да ги фрлате лушпите од јајцата, искористете ги за да ги нахраните вашите цвеќиња! А ако имате голема градина каде птиците често ја посетуваат, можете да расфрлате мелени лушпи од јајца низ градината бидејќи и тие добро ќе ви дојдат!
Имено, птиците кои ги посетуваат нашите градини често имаат недостаток на калциум и јадат мали парчиња лушпи од јајца кои им го надополнуваат недостатокот на калциум, пренесува Крстарица.
