Не постои човек кој не сака неговиот дом да мириса свежо, затоа ви ги носиме најдобрите опции.
Особено сега за време на празничната сезона, кога слатките ароми се речиси првата асоцијација со топлина, радост и заеднички моменти.
Ако мислевте дека е тешко просторот во кој го поминувате времето да мириса на луксузен СПА-одморалиште или на хотелска соба со 5 ѕвезди, не грижете се, постојат многу начини да направите вашиот простор да мириса божествено: од правење попара од сушено цвеќе (олд скул) до инвестирање во дифузер со етерични масла, сè до проверен рецепт, миризливи свеќи.
Но, пред да ви ги откриеме триковите со кои вашиот дом ќе се „бања“ со пријатни мириси, еве што треба прво да направите за се друго да има ефект.
Користете вреќи за отпад со мирис
Редовното празнење на отпадот се подразбира, но секако ќе помогне употребата на миризливи кеси кои ги неутрализираат непријатните мириси.
Перење на теписи и килими
Ова правило е можеби едно од најважните доколку сакате вашиот дом да мириса пријатно. Добро би било барем еднаш во сезоната длабоко да ги чистите теписите и патеките, а доколку имате домашни миленици почесто се советува вакво нешто.
Редовно проветрување, особено ако има готвење или пушење во областа
Миризливи свеќи, дифузери, стапчиња… нема да ви помогнат доколку редовно не ги проветрувате просториите. Мирисот на храна и цигари најлесно се „закачува“ на ткаенините, а најдолго се задржува. Аспираторите и прочистувачите на воздух се идеални за простори каде што нема доволно вентилација или прозорци, како што се кујните и трпезариите.
Дифузери
Дифузерите се одличен начин да внесете свежина во вашиот дом. Потребно е само малку масло и просторот ќе мириса на најлуксузните хотели.
Вклучени освежувачи
Електричните освежувачи на воздух се исто така фантастичен избор за да го направите вашиот дом миризлив. Сè што е потребно е да ја изберете вашата омилена арома, да ги вклучите и да ги оставите да ја направат својата магија.
Готвење овошје и вино
Ако поптурите не ви се „шолја чај“, но сакате вашиот дом да го добие тој „празничен допир“, наједноставниот начин е да зготвите овошје со малку зачин. Каранфилчето, циметот и анасонот ќе дадат сосема нова арома. Без разлика дали правите вино или чај, вакво нешто брзо ќе ја направи атмосферата потопла и попријатна.
Свежо цвеќе
Секако, не треба да заборавиме дека свежото цвеќе прави разлика. И во зима постојат видови кои мирисаат со ист интензитет како летните букети, а кои ќе го претворат вашиот дом во најубава градина.
Миризливи марамчиња за перење
Еден од најлесните трикови за освежување е да користите миризливи листови за сушење на друг начин. Се што треба да направите е да ги протриете преку перниците и креветот и ќе видите дека целиот простор ќе мириса свежо.
Спрејови за мебел и завеси
Овие производи сега се попопуларни од кога било, главно поради разновидноста на мириси. Од вас зависи дали сакате да ја изберете аромата на памук, кремаста ванила, „зачинет“ цимет или нешто друго. Испрскајте мала количина на завеси и драперии или на мебел и гарантираме дека ќе ја почувствувате разликата.
