Свадбите и забавите оваа сезона се организираат слободно. Смирувањето на ситуацијата со Ковид-19 ги олесни и мерките за заштита што ги имавме минатата сезона. Организаторите на венчавки очекуваат нивниот бизнис да закрепне ова лето и да ги надомести загубите од изминатите две години.
Но, освен подарокот, гостите треба да донесат и потврда за вакцина против КОВИД, изјави за ТВ21 Љуљзим Хасани, сопственик на ресторан.
Очекува оваа сезона да биде како другите лета, иако капацитетот повторно е ограничен на 50% за внатрешни и 75% за тераси или надворешни објекти.
„Нашиот хотелско-гастрономски сектор во периодот на пандемијата претрпе најголема економска штета бидејќи бевме затворени 18 месеци, го доведе во прашање постоењето на овој бизнис. Резервациите се направени за следната сезона, што значи дека имаме и некои резервации кои не успеавме да ги завршиме минатата сезона и има клиенти кои го одложија за оваа година. Сезоната е значително подобра“, вели Љуљзим Хасани.
Стилистот и член на Комората на фризери Арменд Рамадани вели дека кризата во овој сектор се забележува во текот на целата година.
„За фирма или за локалното население кое има многу трошоци цели 12 месеци, а знаеме дека ова место не е туристичко за да живеат од туристи. Оваа држава живее само од свадби и фамилијарни веселби со кои храниме фамилии 12 месеци, мислам дека и годинава се чувствува кризата и сивите бизниси, кои работат на црно и нормално со прометот како фирма многу потешко се подмируваат овие трошоците“, вели Арменд Рамадани.
Со едноставен трик трајно излечете ја габата на вашите стапала!
Пејачот Аднан Даци вели дека минатата година атмосферата на свадбите била помрачна поради минималниот број гости.
„Недостасуваше атмосфера, бидејќи луѓето кои се низ дијаспората не можеа да дојдат. Салите не беа полни како обично, особено во поголемите се чувствуваше недостигот од луѓе“, вели Аднан Даци.
Во мај минатата година свадбите и забавите беа дозволени само на отворени простори со максимум 100 гости, а единствени кои смееја да танцуваат беа невестата и младоженецот. Потоа од 1 јули Владата одлучи да дозволи одржување на забави во затворени простории со најмногу 250 гости и максимална искористеност од 40% од просторниот капацитет.
Сопственици на ресторани, музичари, фотографи, сниматели и други вработени, чии активности се поврзани со свадби, неколкупати по ред протестираа поради рестрикциите и незадоволство од помошта што ја даваше Министерството за економија./TV21
