Осип, дијареа, главоболки – ова се некои од симптомите, а се укажува на пестицидите кои се користат за лекување на насадите
Се повеќе граѓани пријавуваат здравствени проблеми откако ја „пробаа“ годинашната локална култура на јагоди. Осип, дијареа, главоболки – ова се некои од симптомите, а се укажува на пестицидите кои се користат за лекување на насадите.
– Пред нешто повеќе од еден месец купив јагоди Вргорац во ОПГ во трговски центар во Сплит. Ги измив и ги консумирав, не долго потоа почувствував непријатно чувство на печење во грлото и чувство како нешто да сака да ме задави. Веднаш отидов во тоалет, гаргарав вода и го исплакнав грлото. Но, ништо не помогна. Отидов дома и продолжив со плакнење со вода помешана со оцет и сода бикарбона. Малку ми ги олесни симптомите.
Следниот ден отидов кај матичната лекарка и таа ми кажа дека и таа и нејзиниот сопруг биле затруени од јагоди затоа што најчесто биле третирани со пестициди за да се постигне најдобар можен комерцијален ефект. Имав болки во грлото 25 дена и дијареа некое време. Да направиме се што е можно повеќе да го намалиме влијанието на пестицидите врз овошјето и зеленчукот бидејќи тоа е атак на нашето здравје – порача еден човек на групата на Фејсбук, пренесува Слободна Далмација.
На истото се пожалија и други корисници кои изјавија дека „се знае дека јагодите се специјално третирани со пестициди“. – Завршивме со синот во Итна помош поради истото. По некое време јадеше домашна храна и ништо. Ако се работи за алергија на јагоди, реакцијата ќе се повтори. Срамота е што се се прави за профит. Мислам дека не ги ни следат роковите кога може да се соберат по прскање со пестициди (период на повлекување).
Ним не им е гајле, главната работа е да заработат пари. Мислам дека животот на друг начин ќе им ја врати таа дрскост… Само се надевам дека не убијат некого пред тоа – напишале други.
И додека некои ги обвинуваат ОПГ за „измама“ за да заработат што повеќе, има и такви кои ги бранат. – Не е ни соодветно да се обвинува дека е отруено, без доказ. Можевте да пријавите во агенцијата за храна – пишуваше во коментарите.
