Најновите истражувања покажуваат дека околу 10 отсто од возрасните имаат проблем со зуење во увото/ушите, додека оваа појава е нешто почеста кај постарите години и кај мажите.
Тинитус (ѕвонење во увото) е феномен кога чувствувате звук без присуство на надворешен звучен стимул. Односно, човекот потоа го слуша она што го нема.
Причините за тоа можат да бидат различни: може да има промени во крвните садови на главата и вратот, спазам на мускулите на средното уво, болести на самото уво, повреди на главата или вратот, мултиплекс склероза, заразни болести, сифилис… Но и употребата на одредени лекови.
Покрај тоа, тинитус се јавува и кај луѓе со висок крвен притисок, како и кај луѓе со слаба циркулација.
Ако зуењето се појави поради слаба циркулација во ушите, таа личност треба да го елиминира кофеинот, цигарите, алкохолот и да го намали внесот на сол.
Понекогаш зуењето во ушите може да биде и резултат на наталожен восок. Кога се акумулира премногу, може да го иритира тапанчето и да предизвика тинитус.
Доколку зуењето е често, ве советуваме да посетите лекар за да го проверите вашето здравје.
