Пред се, мора да нагласиме дека завесите треба да се истресат пред да започнете со перење, како и пред бришење прашина, бидејќи во спротивно тие само ќе станат повалкани.
Внимателно откачете ги сите куки една по една, а потоа прво добро протресете ја завесата, бидејќи така ќе се отстрани добар дел од прашината. Потоа уредно наредете го и ставете го за да не ви пречи додека ја чистите просторијата. Не е добро завесата да стои некаде во ќошот, несредена, стуткана, бидејќи во спротивно ќе имате проблем да ја пеглате.
Исто така, немојте веднаш да ги ставате завесите во машината за перење. За тоа, треба да почекате додека подготовката на просторијата не е при крај.
Доколку завесите не се измиени долго време или забележите дека впиле многу чад од тутун, станале сиви или жолти, прво натопете ги во ладна вода во која сте додале грст сол.
Оставете ги завесите потопени најмалку половина час, а потоа исплакнете ги и продолжете со дополнително миење според материјалот од кој се сошиени.
Памучни завеси – можете да ги перете на рака или во машина, идеално на 30 степени, но ако се работи за бели памучни завеси, можете да изберете програма и на 40 степени.
Завеси од маркиз, полиестер или мешавина – можете да ги перете на рака или во машина, на 30 степени, со што помалку вртежи.
