На крајот, ајкулата заминала со уловот, а не рибарот
На американски рибар му било прекинато патувањето во Флорида, откако ајкула му го одгризала прстот додека се обидувала да ја извади од јадицата. Видеото од случајна ампутација згрози 11 милиони гледачи на TikTok.
„Јас сум момчето кое изгуби прст веројатно од ајкула“, вели Брет Рајдер во видеото во кое го опишува нападот додека ловел риба во Контент Кис, неколку километри јужно од Мајами.
– Ја фативме нашата последна ајкула на денот [1,80 метри лимонска ајкула]. Сепак, ми требаше мојата кука назад, па се обидов да посегнам по неа за да ја вратам и немав среќа – се присети Рајдер.
На видеото од инцидентот кое трае 10 секунди, се гледа како рибарот се обидува да го фати предаторот додека се наведнува над чамецот, додека неговото семејство гледа во исчекување. Одеднаш, ајкулата го гризнала малиот прст и почнала да се врти по својата оска за да ја откине, што ги натерало гледачите да викаат во шок.
Го изгубив мојот проклет мал прст! – викал Рајдер и пцуел по камерата, држејќи го за рака со четири прста додека крв прскала на палубата на бродот.
Во споменатиот опис на инцидентот, рибарот опишал како ајкулата се свртела и го фатила за врвот на раката, посегнувајќи по малиот прст, пред да почне да се врти.
– Можев да се заколнам дека слушнав крцкање – се присетува Рајдер и претпоставува дека ајкулата со крвава уста испливала со својот „улов“.
Неговата сопруга успеала да стави турникет на неговата осакатена рака и да го запре крварењето. Потоа со хеликоптер бил префрлен во болница, каде што му била ДАДЕНА една единица крв. Веднаш бил опериран за да му се спаси остатокот од раката.
