Тиквичките ја подобруваат функцијата и концентрацијата на мозокот, ги смируваат нервите и ги зајакнуваат, ја поттикнуваат работата на цревата, го зајакнуваат црниот дроб и му помагаат при детоксикација.
Поради широката примена во готвењето, одличниот вкус, ниската калорична содржина и благотворното влијание врз здравјето, тиквичките со текот на времето станаа омилено јадење на многу кујни.
Тие се универзален зеленчук кога на нашето тело му требаат витамини, а на нашиот мозок му е потребна сила. Тиквичките се задолжителна состојка во медитеранската кујна. Потекнуваат од Западна Индија и Мексико, од каде што пристигнаа во нашиот регион.
Популарни се благодарение на нивната ниска калорична вредност (100 грама тиквички имаат само 11 калории). Овој сочен и лесен зеленчук е идеален за јадење во текот на летото, содржи висок процент на вода – 93 проценти.
Зошто треба да јадете тиквички?
Тие содржат многу витамини и минерали, особено високо ниво на витамин Ц, калиум, калциум, фосфор и селен. Кората содржи големи количини на магнезиум и каротеноиди. Освен тоа, тиквичката го активира клеточниот метаболизам, обезбедува вредни хранливи материи и нè прави витки.
Во тиквичките се важни и горчливите материи, бидејќи ја поттикнуваат работата на цревата, го зајакнуваат црниот дроб и му помагаат при детоксикација. Јадењето тиквички ја подобрува функцијата и концентрацијата на мозокот, тиквичката ги смирува нервите и ги зајакнува, за подобро да се справите со стресот.
Антиоксидансите, витаминот Ц, бета-каротенот и фолната киселина во тиквичките го намалуваат нивото на холестерол во крвта. Се зајакнуваат и мускулите и срцето, а може да се надмине и запекот. Тиквичките ја исфрлаат водата и штетните материи од организмот, а го подобруваат варењето на протеините. Затоа е важно што почесто да ги јадете со месо и риба.
Кој треба да ги избегнува
И покрај високата хранлива вредност, тиквичките спаѓаат во група на намирници кои содржат оксалати, соли на оксална киселина, кои можат да предизвикаат здравствени проблеми кај луѓето со проблеми со бубрезите и мочниот меур. Затоа се препорачува избегнување на тиквички во исхраната.
Подготовка на тиквички
Постојат многу начини на кои можете да подготвите тиквички. Можете да ги испржите, да ги испечете, да ги наполните со различни филови или да ги подготвите како вкусна салата со друг зеленчук.
Тие се одлично предјадење, но и главно јадење, а најдобро се комбинираат со зеленчук со интензивен вкус, како домати, модар патлиџан, кромид, пиперки или печурки. Најдобри зачини за тиквички се маточината, босилекот, рузмаринот, мајчината душица и ориганото. Ако се стават во тесто за колачиња, тестото станува особено сочно.
Зачувајте ги за зима
Младите тиквички се речиси најпогоден зеленчук за замрзнување. Пред замрзнување, тие треба да се измијат и исечат на прстени со дебелина од еден сантиметар. Потоа треба да се варат на пареа околу две минути и на крај да се потопат во ладна вода да се изладат.
Потоа треба да се исцедат, да се наредат една до друга на плех и да се остават во замрзнувач четири часа. После тоа, тиквичките треба да се препакуваат во кеси и да се вратат во замрзнувач.
