Фекалии завршија врз Градското собрание во Нови Сад, за време на денешните протести, пришто демонстрантите повикаа на одговорност поради смртта на 14 лица по уривањето на натстрешницата на железничката станица во тој град.
dobivaj vesti na viber
„Можат да го почувствуваат мирисот и вкусот на тоа што ни го прават“, велат собтаните на протестот.
Кон Градското собрание, како што јавуваат српските медиуми, маскирани лица фрлале камења, шишиња и се обиделе да го запалат, а полицијата одговорила со солзавец.
Продолжуваат нередите и хаосот во Нови Сад. Откако на протестот му се приклучија маскирани лица кои го демолираа Градското собрание, фрлаа петарди и факели а полицијата употреби солзавец, сега двајца полицајци во цивил уапсија еден од демонстрантите. Како што известува новинарот на N1 полицијата воопшто не се легитимирала, а откако медиумите им се приближија на полицајците, дури тогаш двајцата службеници ја покажаа својата легитимација.
Претседателот на Србија Александар Вучиќ во своето видео обраќање порача дека сите кои учествувале во протестите ќе бидат казнети.
Српските медиуми пренесуваат дека Вучиќ тргнал за Нови Сад.
