Македонците обожаваат да јадат месо, а со оглед на тоа дека колбасите се еден од главните специјалитети кои сакаме да ги служиме и дека е време да се искасапи свињата, еве рецепт како да направите феноменални домашни колбаси.
Воодушевете го вашето семејство и драги гости со зачинет специјалитет од месо.
Сигурни сме дека ќе се согласите со нас дека нема ништо подобро од вкусни домашни колбаси кои самите сте ги произвеле. Освен што се сигурни дека во нив нема адитиви, вештачки вкусови или бои, вкусот на домашните производи не може да се спореди со ниту еден од супермаркетот.
Состојки:
- 6 кг свинско месо
- 1 кг свинско црево
- 2 главици лук
- сол, бибер, црвен пипер, изматена лута
- 3 лажици шеќер
- 2-3 dcl вода
Подготовка:
Мелете го месото во мелница за месо. Изгмечениот лук потопете го во вода. Потоа додадете зачини во месото (количината одредете ја по желба и личен вкус).
Потоа додадете ја водата со лукот. Добро измешајте и ставете во фрижидер преку ноќ. Следниот ден повторно измешајте сè, по потреба додајте ладна вода.
Потопете ги цревата во млака вода, а додатокот за колбас ставете го на машината за мелење месо. Месото се меле и оди директно во цревата.
Потребно е добро да се спакуваат за да не „дишат“, за да бидат компактни и да не се распаѓаат.
Наздравие!
