Храната богата со масти и шеќер, како што е сладоледот, е штетна!
Ако толку многу сакате сладолед што го јадете секој ден, веројатно ќе го лижете садот до последната капка или ќе ги истриете трагите од обвивката.
Сепак, навиката да уживате во сладолед секој ден може да влијае на вашето тело на многу начини, од кои некои се поштетни за вашето здравје од другите.
Шеќерите во сладоледот помагаат во градењето на мускулите и спречуваат разградување на протеините со тоа што предизвикуваат зголемување на инсулинот, вели тренерот на славните личности и нутриционист Џеј Кардиело за Men’s Journal.
– Сладоледот може да биде корисен и до два часа по тренинг – рече тој.
Хирургот др. Кристи Фан верува дека има вистина во тоа дека сладоледот е добар за закрепнување после тренинг, но предупредува:
– Клучното прашање е колку напорно вежбавте? Имено, доколку не вежбате доволно и јадете сладолед секој ден, тоа нема добро да се одрази на вашата форма.
Може да го наруши сонот
Некои луѓе веруваат дека сладоледот им помага да се смират и побрзо да заспијат, но експертите велат дека ова е глупост.
Клучната студија објавена во Журналот за медицина за спиење вели дека јадењето храна со малку влакна и богата со заситени масти е поврзано со послаб сон и ноќен немир.
Конзумирањето повеќе шеќер, особено ноќе, го намалува количеството на длабок сон. Ако мора да јадете нешто пред спиење, изедете банана која е богата со магнезиум, кој го подобрува сонот.
Негативен ефект врз расположението
Неколку студии открија корелација помеѓу исхраната богата со рафинирани шеќери и нарушената функција на мозокот, па дури и влошувањето на симптомите на нарушувања на расположението, како што е депресијата, пишува др. Ева Селуб на блогот за здравје на Харвард.
