На крајот, Расел е прогласен за мртов, но приказната одеднаш добива нов тек
Помина повеќе од една деценија откако Сенди Џенкин стана самохрана мајка на две деца, а нејзиниот живот засекогаш се промени откако нејзиниот сопруг Расел Џенкин исчезна.
Според пишувањата на австралиските медиуми, се започнало по жестока расправија, кога Расел го напуштил нивниот дом, оставајќи ги Сенди и нивните две мали деца, четиригодишниот Итан и двегодишниот Чарли, да се соочат со животот без него. Неговото ненадејно заминување било толку драматично што семејството заедно со полицијата ја пребарало областа, а насекаде биле поставени флаери со неговиот лик, но безуспешно. На крајот, Расел бил прогласен за мртов, а Сенди и децата морале да се справат со тагата и загубата.
Иако времето поминало, Сенди на крајот научила да живее без Расел. Нејзиниот живот стана рутина која вклучуваше грижа за децата и секојдневните обврски. Но, по повеќе од десет години, се случи нешто што смени сè – шокантно откритие што предизвика бран од емоции.
За време на патување во трговски центар на брегот Саншајн, на околу 1.600 километри од нивниот дом, Сенди и нејзините деца одеднаш го здогледале Расел, жив и здрав, на само неколку метри.
“Секогаш верував дека е таму некаде. Но, кога го видов, не можев да им верувам на очите. Чувството беше целосно шокантно”, изјави таа за news.com.au.
Сенди се присети на последниот пат кога го видела во септември 2006 година, пред да исчезне. Тогаш, во моментот кога ги извадил очилата за сонце, таа сфатила дека тоа навистина е нејзиниот сопруг. Нејзините мисли беа измешани, беше среќна што го гледа, но истовремено збунета.
„Исклучително е важно за мене и за моите деца да имаме некој вид затворање. Чувствувам дека Расел треба да излезе во полиција и да потврди дека е жив, за да знаат моите синови дека нивниот татко не е мртов. Сега се постари. и прашуваат се повеќе за него“, рече Сенди, изразувајќи ја својата загриженост за децата кои растат без татковска фигура.
Оваа ситуација ја остави Сенди со многу прашања и нејзините синови сега се збунети.
„Не знам како да им објаснам дека нивниот татко едноставно не сакаше да биде дел од нивните животи. Заклучи Сенди, оставајќи ја вратата отворена за можноста за идни разговори со Расел, кој можеби конечно ќе може да објасни сè.
