Каде е сега овој грчки пејач?
Впрочем, слободно можеме да кажеме дека некои песни и денес оправдано се меѓу најслушаните, иако се пред години и години.
На забавите сè уште се слушаат „Wild dances“, „Quele, Quele“, „Euphoria“, „Fairytail“, но и уште една песна која можеби не победила, но на својот изведувач му донесе светска слава и популарност.Тој можеше само да сонува.
Станува збор за „Shake it“, на грчкиот пејач Сакис Рувас, а во далечната 2004 година немаше некој што не се нишаше во заразниот ритам на оваа вистинска летна песна. Натпреварот го заврши на третото место (Руслана беше број еден), но тоа не се одрази негативно на неговата популарност, напротив.
Додуша, омилениот дечко на многу девојки од кај нас веќе беше ѕвезда во Грција, но по Евровизија на секој чекор се слушаше „Shake, shake, shake, shake, shake it mi amor…“.
Верувале или не, славниот Грк денес има 50 години, а се уште изгледа феноменално. Не ја симнува насмевката од лицето и ужива во хармоничен семеен живот, како и во популарноста која можеби не е каква што беше во зенитот на неговата кариера, но постои.
Но, во текот на кариерата го следеа бројни скандали и гласини, од кои најгласна е дека е геј бидејќи „никој што е стрејт не може така да мавта со колковите“, напишаа тие.
Сепак, точно е дека во последните 17 години и е верен само на една жена, убавата поранешна манекенка Катја Зигуола, со која се ожени по 13 години вонбрачна заедница. За сите овие години тие имаат четири деца – две девојчиња и две момчиња.
Сакис во текот на кариерата се појавуваше и како судија во грчкиот „Икс фактор“, се испроба и како актер, а започна неколку повеќе од успешни бизниси.
Денес тој води суши ресторан, а сопственик е и на многу популарен клуб, кој за жал изгоре во пожар во 2010 година. Штетата била проценета на четири милиони евра, а атинската полиција се сомневала дека пожарот е подметнат, а зад се стојат сопствениците на конкурентни ноќни клубови. По неколкумесечно реновирање, клубот продолжи да работи.
Инаку, Сакис е роден во многу сиромашно семејство и има тројца браќа за кои како најстар морал да се грижи од својата 5-та година. Својот талент за танц и атлетика го покажал на 4 години, што не е чудно со оглед на тоа што неговите родители некогаш аматерски играле во театар.
Откако неговите родители се развеле, тој се преселил кај баба му и дедо му, а за да го издржува семејството правел се што можел, од поправка на автомобилот, работа на градилиште, бармен. Само во средно се посвети повеќе на себе и се приклучи на грчката репрезентација и се натпреваруваше во скок со стап, а колку е добар спортист говори фактот што освои бројни првенства и неколку пати беше наградуван.
Сепак, љубовта кон музиката му била посилна, па на 18 години го напуштил Крф и почнал да настапува по клубови, а останатото е историја.
