Вашата сопруга не сака некои работи за кои вие како мажи можеби не сте свесни дека ги правите. Добро е да ги препознаете и да не ги повторувате.
„Твојата сопруга сака да разбереш, иако можеби е силна, наметлива, самоуверена и иако духовно расте, сепак треба активно да те водат кон крстот. Јасно е дека мажите и жените различно се толкуваат кога се работи за духовни работи.
Но, твојата жена сака да и служиш како духовен воин. Треба да се молите за неа, да растете во спознанието на вистината на Божјата реч, за да можете да ја зборувате таа вистина во текот на нејзиниот живот. Твојата сопруга треба да те поттикне да го бараш Бог со сето свое срце“.
Еве 10 работи што вашата сопруга навистина не ги сака.
Кога веднаш ќе се префрлите на режимот „Ќе го поправам“.
Не е лесно само да слушате без да сакате веднаш да презентирате решение за проблемот со кој се бори вашата сопруга. Јас го разбирам тоа. Но, она што е важно е активно да слушате, да и дадете до знаење дека знае дека сте тука за неа и откако ќе каже што ја мачи, да ѝ кажете дека разбирате колку може да биде тешко.
Комуникацијата со вашата сопруга на овој начин ќе ви помогне на долг рок и ќе доведе до тоа таа да сака да го добие вашиот совет. Секогаш бидете сигурни дека таа знае дека сте ја слушнале, дека се грижите и дека сочувствувате со сериозноста на проблемот пред да се обидете да го решите проблемот. Вашата желба веднаш да го решите проблемот е за пофалба, но пред да го решите, послушајте ја сопругата и дајте ѝ до знаење дека се грижите за неа.
Кога не правите добар баланс помеѓу хобиите и личниот живот
Секој од нас има потреба од време и место да се одмори од стресот и проблемите на овој хаотичен свет. Нема ништо лошо во хобито. Но, хобито може да биде нездраво за секој брак ако му одзема премногу време. Куглањето цела сабота или играњето видео игри по цел ден веројатно не е најдобриот начин да го поминете ограниченото време кое ви стои на располагање. Ако имате некое хоби во кое уживате, воспоставете добар баланс помеѓу хобито и времето што го поминувате со вашето семејство. Најдете здрави начини да управувате со времето што го имате за вашето хоби и вашето семејство.
Барање комплименти
Понекогаш една девојка сака само да и кажеш дека е убава. Светот е груб кон нас и понекогаш знаеме да бидеме наши најголеми критичари. Комплиментот ќе ни помогне да се чувствуваме подобро во нашата кожа. Ако не го добиеме, често ќе го бараме. Ако треба да бараме комплимент, тоа е показател дека ни давате премалку комплименти. Бидете сопруг кој секој ден и дава комплименти на својата сопруга, за да не мора да ги бара.
Кога не можете да го оставите стресот на влезната врата
Разбираме, работата и животот можат да бидат стресни. Сите го чувствуваме. Доаѓате дома фрустрирани и напнати поради работата, сакате да се ослободите, но на крајот тој стрес од работата го земате со себе додека не легнете.
Постои можност вашата жена да не ве видела од појадокот и да сака да помине време со вас. Можеби и нејзиниот ден бил стресен. Кога ќе се вратите од работа, оставете го стресот од работата пред влезната врата. Добро е да разговарате за тоа и во ред, тоа е она што можеби го сака вашата сопруга, но пред сè, пуштете го тоа и уживајте во времето со неа. Не го ставајте товарот на вашиот ден на вашето семејство. Наместо тоа, уживајте со семејството откако ќе се вратите од работа.
Борете се за вашето внимание
Бизнисот, децата, пријателите, семејството, хобиите, дури и домашните миленици го сакаат вашето внимание. Но, работите треба да функционираат по овој редослед: Бог, жена, деца, а потоа она што ви е најважно. Бог треба да ви биде приоритет број еден, без сомнение. По Бога, на ред е жена ти. Знам дека се чини дека ова е во спротивност со популарното мислење, но така оди. Не дозволувајте вашата сопруга да се бори за вашето внимание. Не мора да ве прашуваат дали сакате да го поминувате вашето време со неа. Изненадете ја со тоа што ќе ја поканите на состанок. Гответе и го ручекот. Погрижете се да одвојувате време само за неа секој ден. Нека секогаш знае колку таа е важна за вас.
Кога не ги споделувате вашите мисли и чувства
Да се преправате дека сте силно момче со сопругата не функционира. Собирање чувства и во себе. Жена ти сака да те запознае до најдлабокиот дел од душата. Кога ќе ја исклучите и ќе се преправате дека сте силен тип за вашите чувства, тоа само ќе му наштети на вашата врска. Бракот бара отворена комуникација и доверба. Затоа, бидете отворени со неа. Ако ви е тешко да бидете ранливи со вашиот сопружник, почнете да зборувате за тоа.
Да се биде изоставен или да не биде дел од тим
Вие двајца сте едно тело, кое треба да функционира во хармонија. Тоа значи дека одлучувате заедно со сопругата. Дури и ако нешто изгледа безначајно, вклучете ја вашата сопруга во донесувањето на таа одлука. Навистина дејствувајте како тим. Вашата сопруга сака да ја вклучите во донесувањето одлуки, особено оние што се важни за вашето семејство. Да, во крајна линија мажот е глава на домаќинството, но хармоничното дејствување придонесува за развој на здраво семејство.
Споредба со други жени
Жените се мачат со споредба веројатно повеќе отколку со било што друго. Веќе сме строги кон себе; се споредуваме во сè со другите жени: во поглед на изгледот, подароците, семејството итн. Не додавајте „масло во огнот“. Воздржете се дури и да спомнувате што прави жената на пријателот можеби подобро од вашата, дека жената на вашиот колега секогаш му подготвува ручек или нешто слично. Наместо тоа, прославете и пофалете ја вашата сопруга за се што прави за вас и вашето семејство.
Очекувања дека жената сама ќе ги извршува сите активности и обврски од домот и семејството
Грижата за вашиот дом не е само одговорност на вашата сопруга, освен ако таа не сака, во што се сомневам. Знам дека си уморен кога ќе се вратиш од работа на крајот од денот, но и таа. Ако готви вечера, понудете се да ги измиете садовите по вечерата. Ако веќе ја исчистила кујната, земете правосмукалка и исчистете ја дневната соба. Ако таа ги разбуди децата наутро, ќе ги однесете во кревет и ќе ги заспиете. Запомнете, вие сте дел од тим, така што работите заедно како тим.
Кога таа е духовен водач во семејството
Сопругата не сака да биде духовен водач на нејзиното семејство; ако сака, тогаш нешто не е во ред. На мажот му е дадена одговорност да биде свештеник на семејството; да ги доведе сопругата и децата поблиску до Бога. Поминете време во Словото и во молитва, сами и со вашето семејство и бидете пример. Ова е најважното нешто што можете да го направите за вашето семејство.
Автор: Британи Руст; Превод: Иван Х.; Извор: Crosswalk.com
