За секое одлично тесто за пица, вклучувајќи го и ова, потребно е време, но дефинитивно вреди.
Состојки:
- 100 гр мазно брашно
- 20 гр остро брашно
- 1 лажичка сол
- 1 лажичка гранулиран шеќер
- 2 кеси сув квасец
- 70 мл млака вода
- 10 мл сончогледово масло
Подготовка:
Во помал сад се става 1 лажичка шеќер, се прелива 70 мл млака вода, се додава квасецот и се мешаат сите состојки и се оставаат на страна.
Во друг поголем сад се подготвуваат брашното, солта и маслото, се прелива вода со квасецот и се замесува тесто.
Откако состојките малку ќе се соединат, тестото префрлете го на набрашнета површина за полесно да го месите. Тестото ќе биде доста лепливо, па по потреба додадете малку брашно и месете околу 10 минути. додека не добиете убаво мазно тесто.
Потоа повторно ставете го во садот, покријте го со крпа и оставете го на топло место околу 1 час да нарасне.
Добиеното тесто префрлете го од садот на набрашнета површина и обликувајте го во топка или две, во зависност од тоа колку пица правите.
Топката тесто се става во длабок сад попрскан со брашно. Врвот на топката лесно премачкајте го со масло, покријте го со проѕирна фолија и оставете го на топло место повторно да нарасне 1 час или уште подобро 2 часа.
Додека тестото ќе нарасне по втор пат, имате време да ги подготвите сите состојки што сакате да ги ставите на пицата; нужно најмалку 30 мин (тоа е трик). пред да ја ставите пицата во рерна, вклучете ја рерната на највисока температура за добро да се загрее.
Кога тестото е готово, расукајте го на тавче или на површина од која подоцна ќе го префрлите на каменот во рерната.
Наредете ја пицата по желба и ставете ја во рерна на макс. температура 7-13 мин. во зависност од јачината на вашата печка.
