Познатиот фудбалер си ја отвори душата
Легендарниот шведски фудбалер Златан Ибрахимовиќ влече корени од Балканот, бидејќи неговите родители Шефик и Јурка емигрирале од Југославија на северот на Европа.
Златан е роден во 1981 година во Малме, а во интервју за италијанскиот „Кориере дело спорт“ зборуваше за своите сеќавања од војната во Босна и Херцеговина .
– Меѓу првите спомени како дете ми е Југославија. Ме носеа таму како дете во кола или со воз. Таму владееше комунизмот, тоа беше друг свет – искрен беше Златан.
Тој зборуваше за начинот на кој неговиот татко се справувал со тешките моменти.
– За време на војната секојдневно пристигнуваа вести за смртта на личност која ја познаваме, татко ми многу страдаше поради тоа. Многу им помагаше на бегалците и се трудеше да ме заштити. Секогаш го правеше тоа. Кога неговата сестра почина во Шведска, не ме пушти во мртовечница.
Вели дека со мајка си Јурка има многу подобри односи отколку со татко му Шефик, а на почетокот не сакал да го носи ни презимето.
– Поблиска сум со мајка ми. Со татко ми е исто како и секогаш, не сум близок со него колку што сум со мајка ми затоа што и двајцата сме големи егоисти. Јас сум ист како него и кога се кара со мене не сфаќа дека се кара со себе затоа што сме идентични во однесувањето. Тој ме направи тоа што сум денес.
Потоа зборуваше за неговата мајка.
-Мајка ми беше строга, повеќе ме тепаше од татко ми. Тој никогаш не го направи тоа. Со него беше доволно само да ти кажам и да те погледнам за да разбереш се.
