Пред 14 години цела Македонија и регионот беа запрепастени од веста дека трагично загина македонскиот пејач Тоше Проески.
Деталите за животот на човекот кој го сакаше целиот регион не престануваат да ја интригираат јавноста, а тоа е жената за која се верува дека била неговата единствена вистинска љубов.
Манекенката Благица Бети Мицова и Тоше Проески се запознале во 1998 година.
Денес е мажена и има син.
Нивната врска траеше до почетокот на 2002 година, кога беше прекината под притисок на популарноста. По неговиот настап на Евровизија во 2004 година повторно се помириле, па раскинале… Врската ја прекинале во 2006 година.
Сепак, пријателите на Тоше Проески велат дека тие двајца постојано биле во контакт, дека Тоше и праќал билети за сите негови концерти. Дури беше напишано дека нивните пораки биле зачувани во телефонот на Тоше неколку години по трагичната несреќа.
– Знам дека јавноста сака да ги дознае деталите за мојата љубов со Тоше, но досега никогаш не сум дала интервју и не сум ја открила нашата приватност. Така ќе остане засекогаш – изјави Благица во интервју за македонските медиуми во 2014 година.
