Колку и да се грижите за кожата на рацете, ако имате суви лакти, ќе го расипете впечатокот. Со површен поглед во огледалото, често можете да ја превидите состојбата на лактите, а верувајте, тоа е и видливо и влијае на целокупната слика за вашата нега.
Не е лесно, ниту брзо, но не е невозможно да се ослободите од сувата кожа на лактите. Малку дисциплина, редовна нега, правилни производи и нема да размислувате дали лактите ви се суви, груби и грозливи. За почеток, престанете да се потпирате на лактите, особено ако вашата работа е канцелариска, па преку цел ден вршите притисок врз лактите. Заедно со триењето, ова е често причина за груба кожа на лактите. Секако, ослободувањето од оваа навика не е доволно, а има неколку чекори за нега кои треба да ги внесете во вашата дневна рутина.
Подмачкајте ги лактите додека се влажни
За сувите лакти не важи истото правило како и за остатокот од телото, прво да се натопи во влага, па дури потоа да се грижи за нив. Дури и спротивното. По туширањето не ги бришете лактите, туку на сè уште влажните нанесете хидратантна крема. На овој начин ќе ја зачувате влагата во нив и дополнително ќе ги хидрирате.
Подебелите креми подобро хидратираат
Лесните креми и гелови се моќно хидратантни, а се сè попопуларни бидејќи брзо се впиваат, па ви треба малку време кога ќе ги нанесете да се впијат пред да се облечете. Меѓутоа, за сува кожа користете производи со подебели формулации бидејќи тие создаваат и бариера на кожата, која ја задржува влагата.
Заборавете на топла вода
И покрај сите придобивки од топлата вода како релаксација, таа всушност ја суши кожата, особено ако е веќе сува и ако се туширате предолго.
Чистење да, но нежно
Сувите лакти бараат благи детергенти кои ја зачувуваат влагата и не иритираат. Користете препарати за сува или чувствителна кожа, а доколку ви снема, слободно користете гел за миење лице.
Не прескокнувајте ноќна нега
Не треба да купувате скапи креми и препарати, туку треба да ги подмачкувате лактите секоја вечер. Изберете креми со природни масла, погусти или вазелин, кој е најприфатлив и докажано ефикасен. Заштитете ги подмачканите колена со памучна крпа за да се осигурате дека сè се апсорбира.
Пилинг секогаш помага
Дури и со нормална кожа, неопходно е да се отстранат мртвите клетки за да може да функционира секој препарат, особено кај сува кожа на лактот. Можете да користите хемиски пилинг, односно креми со овошни киселини или физички, односно механички пилинг.
